自家制健康燕麥杯

朝早大家趕住返工返學,未必有時間整早餐。想瞓多一陣,但又想食個好味又有營養嘅早餐?不如試下外國非常受歡迎嘅燕麥杯 (Overnight Oats) 啦!

 

 

 

 

 

燕麥的好處:

燕麥除咗營養豐富之外,當中嘅非水溶性膳食纖維高纖又飽肚,可以幫助腸道蠕動,排走毒素。而入面嘅水溶性纖維仲有降解膽固醇的功效添!

 

Overnight Oats賣相吸引,睇得又食得,準備時間只需幾分鐘,唔需要煮,只需之前個晚將材料放入容器中密封冷藏,第二朝一起身就有得食,至啱為食又貪方便嘅你!

 

 

入面可以放D乜?

首先燕麥杯嘅基本材料就梗係主角燕麥啦! 咁多款燕麥揀邊款好呢?其實好睇你鐘意咩口感,如果本身好少食燕麥或者鐘意食粥軟冧冧嘅質地,可以選擇快熟燕麥(Instant Oats)或快煮燕麥(Quick cooking Oats)。最推薦用傳統燕麥/粗燕麥/生燕麥(Old-fashion Oats/ Traditional oats/ Rolled-oats),因為軟硬適中。另外不建議用刀切燕麥(Steel Cut Oats) ,因為會太硬。

 

至於浸冧 D燕麥就需要用液體,大家可以根據個人口味,用脫脂牛奶/無糖豆漿/無糖杏仁奶。千祈唔好用椰奶,因為有好多唔健康嘅飽和脂肪。

 

點綴同埋增加口感方面,可以加入自己鐘意既配料,新鮮水果/麥麩 (Wheat Bran)/堅果/奇亞籽(Chia seeds)都可以架。如果想開胃D,進食時可添加低脂無糖乳酪。  

 

 

 

做法:

1. 將1/3-半杯燕麥片放入可密封的容器中,然後到入牛奶(要覆蓋燕麥,可以根據個人喜好再添加)。擰實個蓋搖勻。

 

2. 放入雪櫃雪隔夜(至少6-8小時),燕麥會吸收水分逐漸變軟。第二朝就可以拎出黎。唔慣朝早食凍嘢既,可以倒一盆暖水,然後將燕麥杯放入去隔水浸暖一陣。

 

3. 食之前加入自己鐘意嘅配料,例如切開嘅新鮮水果,高纖嘅麥麩等等,早餐就ready啦!仲夠時間打卡 #overnightoats 先出門

 

 

 

 

如果諗唔到加D咩配料,以下有幾款Combo可以試試

 

Peaches and Cream – 將桃切片再加幾匙低脂乳酪,搞掂!

Blueberry Banana - 半隻香蕉,1/4杯藍莓,幾匙低脂乳酪,適量Granola及胡桃 (walnuts)
Apple Pie - 1個小蘋果,半茶匙肉桂粉,幾匙低脂乳酪,適量麥麩

 

係咪好方便呢?快D試下啦!

 

 

 

 

 

Image Credits: Oats Over Night, Quaker Oats, Food Matters, Hip2Save

 

 

 

 

Please reload

Featured Posts

第七週 修身首階段完成 | 275磅爸爸減肥大作戰

January 15, 2017

1/2
Please reload

Recent Posts