女士最愛、男士抗拒:教你選擇健康乳酪!

你哋有無曾幾何時好似我嘅clients咁,介定咗某幾種食物係男士或女士先鐘意食,見到異性食嘅時候,你又會好抗拒嘅呢?

就以男士特別唔願去食而正中女士下懷嘅乳酪為例,市面上又有幾多隻真係健康?多數標榜「低脂、脫脂、有助腸道健康及燒脂」嘅乳酪,當中好多款亦含高糖份及高膽固醇。以下就教大家購買前睇睇營養標籤,揀真正健康嘅先好放入口呀!

上圖乳酪 A系140克,即系1.4x13.4g總共有約18.8克糖份。根據世界衛生組織指示, 一個健康嘅成人每日攝取來自糖份嘅熱量應少於全日嘅10%,即約少於50克或12茶匙。而根據美國心臟協會對附加糖份嘅每日攝取量指引, 男士不能攝取多於37.5克或9茶匙。女士不能攝取多於25克或6茶匙。乳酪 A嘅糖份就已經佔據咗你每日糖份一半嘅quota!再睇睇乳酪B系170克,即系1.7x4g總共有6.8克糖份。無論系以每100克定系每份去比較,乳酪B都比乳酪 A少接近3倍嘅糖份,所以精明嘅你,一定識揀!

另外,睇清楚乳酪內膽固醇含量亦非常重要!健康成年人及兒童每日嘅膽固醇攝取量不應多於300毫克。膽固醇超標人士及心臟病患者,每日最多攝取200毫克膽固醇。一般膽固醇攝取量都會足夠,就以一隻雞蛋嘅膽固醇為例,就已經有約290毫克膽固醇。唔想攝取過量膽固醇,其實唔需要太擔心,就好似揀乳酪A定B咁,留意返個營養標籤,你會發現乳酪B系不含膽固醇,咁咪可以安安心心去享受一杯真正健康嘅乳酪啦!

Featured Posts
Recent Posts
Archive
Search By Tags