第四週 額外訓練 助脂肪燃燒 | 275磅爸爸減肥大作戰

修身目標 : 8週內減去20磅
本週減去 : 7.7磅​
累積減去 : 逾30磅​


大作戰話咁快就進入第四週,成績簡直有突破性進展!再一次見證營養師Rainbow和教練Edmond所設計的燒脂計劃大成功!一齊睇睇Edward今週點修身:

 

 



一星期上足三堂私人訓練嘅Edward, 對一般人嚟講, 運動量已經十分足夠。不過佢並無因為上周達標而怠慢,第四週仲想加操添!因此本週,Edmond 預先為佢設計咗一套帶氧運動,額外喺屋企進行多一次。果然,努力付出喺有所回報架,4日嘅運動、配合營養師Rainbow建議嘅營養餐單,

足足幫助Edward帶走咗超過7磅脂肪呀!
講緊嘅係Edward係本週所減嘅7.7磅體重當中,脂肪總共佔咗 7.2 磅,遠遠超越晒前面三週, 呢個數字真係令人鼓舞 !



 


當然,除咗我哋嘅輔助之外,最重要係靠Edward堅定嘅意志同家人們嘅支持啦。好似Edward囡囡咁,到場觀摩爸爸嘅私人訓練之外,仲會陪伴爸爸聽營養師Rainbow嘅評估㗎!Rainbow更將爸爸今週選擇食物種類嘅權利,交咗比囡囡:「嘩, 減肥都可以食壽司㗎!」 囡囡滿心歡喜 嘅表情剛巧同Edward嘅面有難色相映成趣:「阿囡,食壽司會唔會好肚餓㗎……」 場面溫馨得嚟又帶點殘酷,令Rainbow 都忍唔住大笑起來。



究竟今次營養師+教練+囡囡會出現咩化學作用呢 !? 大家如果想知道Edward修身大作戰嘅進度, 記得下星期五繼續追看啦 。順帶一提,步入冬天啦,想修身減肥嘅你記得同樣鞭策吓自己呀! 祝大家聖誕快樂 !!

Please reload

Featured Posts

第七週 修身首階段完成 | 275磅爸爸減肥大作戰

January 15, 2017

1/2
Please reload

Recent Posts