第三週 成功達標 | 275磅爸爸減肥大作戰

修身目標 : 8週內減去20磅 本週減去 : 6磅 累積減去 : 23磅 「夠20磅啦,收得工!」 Edward用滿意嘅笑容同營養師Rainbow講,莫非佢想暫停修身大計!? 「講吓笑姐。」咁辛苦先的起心肝開始,又點可以輕易放棄呢!踏入第3週,爸爸Edward再減走6磅,累計成績已減走23磅,一齊揭開佢本周成功之謎:

依照營養餐單進食已來到第三週,Edward的身體亦漸漸進入適應期。要把修身效果更上一層樓,除了餐單的改善和配合, 教練Edmund還要求Edward把動作速度同強度加快,目的是增加運動量,助Edward擊退減重的停滯期! 「初時運動完一日,可能到休息第三日都仲攰梗;而家運動後一覺瞓醒,攰完第二日就無事。」

減肥帶比你嘅好處,又點止瘦咁簡單! 從第三週觀察所得,Edward的運動習慣已踏上軌道,體能同身體恢復程度大大提升,亦足以證明體質嘅鍛鍊在減重修身療程中,起了很大嘅作用,絕對不容忽視。 短期目標尚且達成,係時候向更遠大嘅目標進發!唔止我哋為Edward加油㗎,下星期五再留意進度,見證佢繼續健康繼續減!

Featured Posts
Recent Posts
Archive
Search By Tags